Popcorn

Ако се напијам уште една капка од ова блесаво ракииште… Ако се напијам уште една капка од ова блесаво ракииште, ќе ја удавам зората во кал, ураган од црни гулаби ќе слета во моите бели дробови, мислите ќе ми се разбегаат како билијардски топки, зборовите ќе станат перо на мрачен поет со кое гребе по коморите на срцето на животот, коските ќе почнат безумни игри на непослушни деца, крвта ќе ми зоврие како манџа во експрес-лонец, суштества од други светови ќе душкаат и ќе демнат околу мојата цревна флора, колената ќе ми пресушат, жилите ќе се заврзат самите во јазли, а стомакот ќе ми се претвори во мумија на народот Чинчоро… Ама, кај можам да те одбијам. Стави уште по една, ајде.