Popcorn

Критичарот го исчита мојот најнов краток расказ. Потоа небрежно го заборави. Додека еден ден сереше во тоалетот, се сети дека не ми одговорил на имејлот. Го зеде мобилниот за да ми напише дека го прочитал, но не знаеше што да ми истипка како негов конечен естетски суд. Мерејќи ги и премерувајќи ги зборовите и истовремено бришејќи си го газот, мобилниот му падна во школката. Некои школки раѓаат бисери, но, оваа, по долго дезинфицирање на екранот, го роди само следниот краток имејл: „Срање“. Бескрајно сум му благодарен на искреноста.